१३ देशबाट दिईने विद्यार्थी भिसाको शुल्क ५० प्रतिशत घट्यो

सिड्नी । अस्ट्रेलियाको डिर्पाटमेन्ट अफ होम अफिर्यसले विभिन्न १३ देशबाट दिईने विद्यार्थी भिसाको आवेदन शुल्क ५० प्रतिशतले घटाउने भएको छ । विद्यार्थी भिसाको सबक्लास ५०० र विद्यार्थीको अभिभावक भिसा सबक्लास ५९० का लागि आवेदन शुल्क भारी मात्राले घटाईएको जनाईएको छ ।

यहि मार्च २२ तारिखबाट लागू हुने व्यवस्था अन्र्तगत विद्यार्थी भिसाको आवेदन शुल्क १६ सय डलरबाट ७ सय १० कायम गरिएको छ । यो सुविधा पाउने राष्ट्रहरुमा फिजी, पपुवा न्यूगिनी, टिमोर लिष्ट, भानुआटी, सिमओ लगायत स–साना टापु देशहरु रहेका छन् । यी देशहरुबाट नगन्य मात्रामा विद्यार्थीहरु अस्ट्रेलिया आउने गरेका छन् ।

तर, अस्ट्रेलियामा सबैभन्दा धेरै विद्यार्थी भिसाको आवेदन पर्ने चीन, भारत, नेपाल, फिलिफिन्स, बंगलादेश, श्रीलंका, पाकिस्तान, इन्डोनिसा लगायतका देशहरुलाई भने यथावत राखिएको छ । विद्यार्थी भिसाको आवेदन शुल्क नै अत्यधिक महँगो भएपछि आवेदन समेत कम पर्न थालेको पछिल्लो तथ्यांकहरुले देखाएको छ ।