मोना अस्ट्रेलियाको प्रवक्तामा गोकुल भण्डारी मनोनित
✍ नेपाली न्यूज संवाददाता
प्रकाशित मितिः3 weeks ago

सिड्नी । विश्वका विभिन्न मुलुकमा बस्ने म्याग्दीबासीहरुको साझा संस्था म्याग्दी प्रवासी नेपाली संघ (मोना) अस्ट्रेलियाको प्रवक्तामा गोकुल भण्डारी मनोनित भएका छन् । गत फ्रेअबरी १६ तारिखमा सम्पन्न मोना अस्ट्रेलियाको नवौ अधिवेशनबाट निर्वाचित नयाँ कार्यसमितिको पहिलो वैठकले भण्डारीलाई प्रवक्ताको जिम्मेवारी दिईएको महासचिब बाबुराम पौडेलले जानकारी दिए ।

गोकुल अघिल्लो कार्यसमितिमा सहसचिबको भूमिकामा रहेका थिए । मोना अस्ट्रेलियाको हरेक कार्यक्रम र अभियानमा अग्रपंक्तिमा रहेर काम गर्दै आएका भण्डारीलाई सर्वसम्मत रुपमा प्रवक्ताको जिम्मेवारी दिईएको हो । मोनाले अस्ट्रेलियामा आयोजना हुने विभिन्न सामाजिक र समुदायिक कार्यक्रमहरुमा सहभागिता जनाउनुका साथै म्याग्दीमा पर्यटन, शिक्षा र स्वास्थ्यको क्षेत्रमा स्थानीय सरकार र सरोकारवाला निकायहरुसँग मिलेर कामहरु गर्दै आएको छ ।

यसअघि अधिवेशनले सुसन श्रेष्ठको अध्यक्षतामा सर्वसम्मत रुपमा नयाँ कार्य समिति चयन गरेको थियो । यसैबीच, मोनाले नेपाली नयाँ बर्षको २०८२ को अवसरमा शुभकामना आदानप्रदान सहित बाविक्यू कार्यक्रमको आयोजना गरेको छ । आागमी अप्रिल १३ मा टेम्पे पार्कमा आयोजना हुने शुभकामना आदानप्रदान तथा बाविक्यु कार्यक्रममा नेपालबाट आएका अभिभावकहरुसँग स्वागत र सम्मान समेत गरिने महासचिब पौडेलले जानकारी दिए ।

(Visited 173 times, 1 visits today)

थप पोष्टहरु

© 2023. All rights reserved. Designed By:  HK Web Services