नेपाली न्यूज र काम कोठा एप्सबीच सहकार्य

सिड्नी । नेपाली न्यूज अस्ट्रेलिया र काम कोठा एप्सबीच सहकार्य भएको छ । अस्ट्रेलियाको सिड्नीबाट सञ्चालित काम कोठा एप्सले एक दशक देखि नेपाली समुदायलाई अस्ट्रेलियामा काम र कोठाबारे जानकारी प्रदान गर्दै आएको छ । कामको खोजीसँगै घर र कोठाबारे एकआपसमा सूचना आदानप्रदानले हजारौँ नेपाली समुदाय लाभाविन्त हुदै आएका छन् । विशेषगरि विद्यार्थीहरु र नवआगन्तुकहरुलाई काम कोठा एप्स अत्यन्त सहयोगी सावित भइरहेका छन् ।

सन् २०१५ बाट सामाजिक सञ्जाल फेसबुक मार्फत सुरु भई सन् २०१८ बाट एप्स सञ्चालन आएको काम कोठामा अहिले नेपालीका अतिरिक्त अन्य समुदायका प्रयोगकर्ताहरु पनि बढ्दै गएका छन् । नेपाली न्यूजका सम्पादक गोपाल छन्त्याल र एप्सका सञ्चालक लक्की श्रेष्ठबीच सहकार्य सम्बन्धि एक समझदारी पत्रमा हस्ताक्षर भएको हो । जस अनुसार, नेपाली न्यूजका अपडेटहरु एप्समा हेर्न मिल्नेछ भने काम कोठाका उत्पादनहरुलाई नेपाली न्यूजले बजारीकरणमा थप सहयोग पुग्नेछ । एप्सका सञ्चालक श्रेष्ठले नेपाली न्यूजसँगको सहकार्यले फराकिलो ढंगले अघि बढ्न सहज हुने बताए ।

त्यस्तै, नेपाली न्यूजका सम्पादक छन्त्यालले एप्ससँगको सहकार्यले समुदायमा थप प्रभावकारी सूचना सम्प्रेषण हुने विश्वास व्यक्त गरे । दुईबर्ष देखि सिड्नीबाट सञ्चालित नेपाली न्यूजले समुदायका गतिविधिका साथै अस्ट्रेलियन सरकारले लिने आप्रवासी, उच्च शिक्षा नीतिबारे निययमित रुपमा समाचारहरु सम्प्रेषण गदै आएको छ । त्यस्तै, काम कोठा एप्सले पछिल्लो समय विभिन्न किसिमका फिचरहरु पनि थप गर्दै लगेको जनाएको छ । मानसिक स्वास्थ्य, सार्वजनिक शौचालय, नेपाली दुतावास, समुन्द्री सेफ्टी देखि नजिक पर्ने पेट्रोल स्टेशनसम्मको जानकारी एप्समा उपलब्ध छ । एप्समा ९० हजार भन्दा बढी प्रयोगकर्ता रहेका छन् ।