सिड्नी । अस्ट्रेलियाको सिड्नीमा राष्ट्रिय पुरुष तथा महिला भलिबल टोलीका खेलाडीहरुलाई सम्मान गरिएको छ । नेपाली महिला राष्ट्रिय भलिबल टोलीकी कप्तान अरुणा शाही, स्पाइकर सरस्वती चौधरी, प्रतिभा माली, पुरुष तर्फ पूर्वकप्तान मान बहादुर श्रेष्ठ, टेकराज अवस्थी लगायतलाई सम्मान गरिएको हो ।
म्याग्दी जलजला परिवार अस्ट्रेलियाले डिसेम्बर २९ मा सिड्नीको अर्बन बास्केटबल सेन्टरमा आयोजना गरेको ८ औँ एकदिवसीय पुरुष तथा महिला भलिबल च्याम्पियनशीपको अवसरमा खेलाडीहरुलाई सम्मान प्रशंसा पत्रले सम्मान गरिएको थियो ।
खेलाडीहरुले खेल मार्फत देशलाई दिएको योगदानको कदर गर्दै सम्मान गरिएको म्याग्दी जलजला परिवार अस्ट्रेलियाका अध्यक्ष दिपेन्द्र भण्डारीले जानकारी दिए । खेलाडीहरुलाई अध्यक्ष भण्डारी सहित, एनआरएनए अस्ट्रेलियाका अध्यक्ष अनिल पोखरेल, चलचित्र निर्देशक शोभित बस्नेत लगायतले सम्मान गरेका थिए ।
© 2023. All rights reserved. Designed By: HK Web Services
